بصد فریب اسے کیا سے کیا دکھائی دے
Badr-e-Alam Khan Azmiبصد فریب اسے کیا سے کیا دکھائی دے
کہ ابتدا میں جسے انتہا دکھائی دے
کبھی تو کوہ گراں تک نظر نہیں آئے
کبھی ہوا کا مجھے نقش پا دکھائی دے
تمام رشتوں کی بنیاد ہلنے لگتی ہے
جب آئنے میں کوئی دوسرا دکھائی دے
تلاش کرتی ہے دنیا اسی کے نقش قدم
وہی جو بھیڑ میں سب سے جدا دکھائی دے
یہ ہے ہماری سیاست کہ دل پڑوسی کا
ہمارے دل میں دھڑکتا ہوا دکھائی دے
فلک کو تاکتے اس نے گزار دیں صدیاں
اسے امید تھی شاید خدا دکھائی دے
یہاں فرات ہے گنگا ہے اور جمنا بھی
قدم قدم پہ مگر کربلا دکھائی دے
یہ شہر شہر خموشاں ہے اہل دانش کا
کہیں تو ایک کوئی سر پھرا دکھائی دے
یہ وقت کا ہے تقاضہ کہ ہے فریب نظر
کہ بیٹا باپ کے قد سے بڑا دکھائی دے
نہ جانے کیسا نشہ ہے غزل کہ تاج محل
کبھی ردیف کبھی قافیہ دکھائی دے
basad fareb use kya se kiya dikhai de
ke ibtida mein jise intiha dikhai de
kabhi to koh-e-giran tak nazar nahin ae
kabhi hawa ka mujhe naqsh-e-pa dikhai de
tamam rishton ki buniyad hilne lagti hai
jab aine mein koi dusra dikhai de
talash karti hai duniya usi ke naqsh-e-qadam
wahi jo bhir mein sab se juda dikhai de
ye hai hamari siyasat ke dil parosi ka
hamare dil mein dharakta hua dikhai de
falak ko takte us ne guzar den sadiyan
use umid thi shayad khuda dikhai de
yahan furat hai ganga hai aur jamuna bhi
qadam qadam pe magar karbala dikhai de
ye shahr shahr-e-khamoshan hai ahl-e-danish ka
kahin to ek koi sar phira dikhai de
ye waqt ka hai taqaza ke hai fareb-e-nazar
ke beta bap ke qad se bara dikhai de
na jane kaisa nasha hai ghazal ke taj mahal
kabhi radif kabhi qafiya dikhai de