سستا رہا ہوں میں ابھی ہلکان تو نہیں

سستا رہا ہوں میں ابھی ہلکان تو نہیں

یہ زندگی ہے اتنی بھی آسان تو نہیں

اے کاش اتفاق سے مل جائے وہ مگر

اس حسن اتفاق کا امکان تو نہیں

اے مستقل اداسی نہ مجھ میں قیام کر

ویران ہوں پر اتنا بھی ویران تو نہیں

اے دوست کیسے تجھ سے میں کرتا کوئی گلہ

اپنے کیے پہ میں بھی پشیمان تو نہیں

اک دوسرے پہ مرنے کے وعدے تو ہیں مگر

اک دوسرے پہ کوئی بھی قربان تو نہیں

sasta raha hun main abhi halkan to nahin

ye zindagi hai itni bhi asan to nahin

ai kash ittifaq se mil jae wo magar

us husn-e-ittifaq ka imkan to nahin

ai mustaqil udasi na mujh mein qayam kar

wiran hun par itna bhi wiran to nahin

ai dost kaise tujh se main karta koi gila

apne kiye pe main bhi pasheman to nahin

ik dusre pe marne ke waade to hain magar

ik dusre pe koi bhi qurban to nahin