بات جھوٹی اثر خیالی ہے

بات جھوٹی اثر خیالی ہے

سرفروشی کا سر خیالی ہے

کٹ گئی خواب ٹوٹنے میں عمر

یعنی سارا سفر خیالی ہے

بھائی چارہ خلوص آشتی امن

ہے سبھی کچھ مگر خیالی ہے

جلتے رہنا چراغ شب مرے ساتھ

ہجر بھاری سحر خیالی ہے

آتے جاتے رہا کرو اس پر

دل میں اک رہ گزر خیالی ہے

ننگے پاؤں کوئی نہیں آتا

اب تو ہر دوپہر خیالی ہے

bat jhuti asar khayali hai

sarfaroshi ka sar khayali hai

kat gai khwab tutne mein umar

yaani sara safar khayali hai

bhai chara khulus-e-ashti amn

hai sabhi kuchh magar khayali hai

jalte rahna charagh-e-shab mire sath

hijr bhari sahar khayali hai

ate jate raha karo us par

dil mein ik rah guzar khayali hai

nange paon koi nahin ata

ab to har dopahar khayali hai