گر نہیں کچھ بھی آپ سے ملنا

گر نہیں کچھ بھی آپ سے ملنا

آپ سے پھر نہیں مجھے ملنا

وقت مانگا نہ کر تو ملنے کا

اصل ملنا ہے بن کہے ملنا

یار کچھ انتظام ایسا کر

آخری سانس تک رہے ملنا

روز ملنے کا میں نہیں کہتا

زندگی بھر گہے گہے ملنا

اس سے پہلے کہ یہ بھی کھو جائیں

قہقہے کچھ رہے سہے ملنا

gar nahin kuchh bhi ap se milna

ap se phir nahin mujhe milna

waqt manga na kar to milne ka

asl milna hai bin kahe milna

yar kuchh intizam aisa kar

akhiri sans tak rahe milna

roz milne ka main nahin kahta

zindagi bhar gahe gahe milna

is se pahle ke ye bhi kho jaen

qahqahe kuchh rahe sahe milna