فریاد کہ وہ شوخ ستم گار نہ آیا

فریاد کہ وہ شوخ ستم گار نہ آیا

مجھ قتل کوں لے ہاتھ میں تلوار نہ آیا

میں پنبہ نمن نرم کیا بستر تن کوں

وہ پیو قدم دھرنے کو یکبار نہ آیا

چھٹ آہ پچھے کون مرے درد کا احوال

مجھ دکھ کی خبر لینے وہ غم خوار نہ آیا

جانے ہے وفادار مجھے دل منے لیکن

دہشت سے رقیباں کی وہ ناچار نہ آیا

آرام گیا بھوک نہیں نیند گئی بھول

افسوس کہ وہ طالع بیدار نہ آیا

بلبل کی نمن آس ہے نت باس کی مجھ کوں

صد حیف مرے پاس وہ گلزار نہ آیا

بازار سخن گرم کیا اوس کی صفت سوں

مجھ شعر کا ہیہات خریدار نہ آیا

لکھ بار سہا باغ میں مالی کا تہورا

پر سیر کتیں وہ گل بے خار نہ آیا

اے مبتلاؔ یہ بات لکھا دل کے اوپر میں

اک روز مجھ آغوش میں وہ یار نہ آیا

fariyad ke wo shokh-e-sitam gar na aya

mujh qatl kun le hath mein talwar na aya

main pumba naman narm kiya bistar tan kun

wo piyo qadam dharne ko yakbar na aya

chhut ah puchhe kaun mire dard ka ahwal

mujh dukh ki khabar lene wo gham khwar na aya

jane hai wafadar mujhe dil mane lekin

dahshat se raqiban ki wo nachar na aya

aram gaya bhuk nahin nind gai bhul

afsos ke wo tale-e-bedar na aya

bulbul ki naman as hai nit bas ki mujh kun

sad haif mire pas wo gulzar na aya

bazar sukhan garm kya os ki sifat sun

mujh sher ka hehat kharidar na aya

likh bar saha bagh mein mali ka tahora

par sair kiten wo gul-e-be khar na aya

ai mubtala ye bat likha dil ke upar mein

ik roz mujh aghosh mein wo yar na aya