دلبر بے‌ باک سوں خوب نہیں بولنا

دلبر بے‌ باک سوں خوب نہیں بولنا

شوخ ستم ناک سوں خوب نہیں بولنا

دست میں خنجر پکڑ نکلا ہے وہ غصہ ور

ہاتھ کے چالاک سوں خوب نہیں بولنا

ابتر خوں ریز ہے قتل اوپر تیز ہے

ظالم و سفاک سوں خوب نہیں بولنا

اس کی جفا سیں تمام جگ میں پڑی دھوم دھام

ہم جم و ضحاک سوں خوب نہیں بولنا

مجھ سے رقیب و لعیں جیو میں رکھتا ہے کیں

اوس سگ ناپاک سوں خوب نہیں بولنا

بوالہوس زشت رو کرتا ہے نت گفتگو

مرد بے‌ ادراک سوں خوب نہیں بولنا

مصرع مطلع سدا ورد کرے مبتلاؔ

دلبر بے باک سوں خوب نہیں بولنا

dilbar be bak sun khub nahin bolna

shokh-e-sitam nak sun khub nahin bolna

dast mein khanjar pakar nikla hai wo ghussa war

hath ke chalak sun khub nahin bolna

abtar khun rez hai qatl upar tez hai

zalim-o-saffak sun khub nahin bolna

us ki jafa sin tamam jag mein pari dhum dham

ham jam-o-zahhak sun khub nahin bolna

mujh se raqib-o-lain jiyo mein rakhta hai kin

os sag napak sun khub nahin bolna

bawalhos zisht ro karta hai nit guftugu

mard-e-be idrak sun khub nahin bolna

misra-e-matlaa sada wird kare mubtala

dilbar be bak sun khub nahin bolna