بڑی جانی ہوئی آواز میں کس نے بلایا ہے

بڑی جانی ہوئی آواز میں کس نے بلایا ہے

کوئی گزرے ہوئے وقتوں سے شاید لوٹ آیا ہے

چلو اب سوچ کر یہ ہی شرافت سے بچھڑ جائیں

یہ دل ول تو جوانی میں سبھی نے ہی لگایا ہے

ہمیں تو لگ رہا تھا یہ کہ ہم گمنام ہیں لیکن

کسی نے آج پھر دروازہ دل کا کھٹکھٹایا ہے

ہمارا نام ہی آیا نہیں پورے فسانے میں

کہانی کو کچھ اس انداز سے اس نے سنایا ہے

ہمارے دل کا وہ آنگن جہاں تارے نہ تھے کل تک

اسی میں چودھویں کا چاند پورا جگمگایا ہے

نہ کوئی خط ملا ہم کو نہیں پیغام کوئی پر

سنا دعوت کا اس نے شہر میں رقعہ گھمایا ہے

bari jani hui awaz mein kis ne bulaya hai

koi guzre hue waqton se shayad laut aya hai

chalo ab soch kar ye hi sharafat se bichhar jaen

ye dil wil to jawani mein sabhi ne hi lagaya hai

hamen to lag raha tha ye ke ham gumnam hain lekin

kisi ne aj phir darwaza dil ka khatkhataya hai

hamara nam hi aya nahin pure fasane mein

kahani ko kuchh is andaz se us ne sunaya hai

hamare dil ka wo angan jahan tare na the kal tak

isi mein chaudhwin ka chand pura jagmagaya hai

na koi khat mila ham ko nahin paigham koi par

suna daawat ka us ne shahr mein ruqa ghumaya hai