چاند کی اپنی کہانی رات کا قصہ الگ

چاند کی اپنی کہانی رات کا قصہ الگ

داستان عشق میں ہے تجربہ سب کا الگ

اجنبی ہم آج سے ہیں پر سفر تو ہے وہی

صرف کہہ دینے سے ہوتا ہے کہیں رستہ الگ

ایک لمحہ بس وہی ہے اور باقی کچھ نہیں

زندگی ساری الگ اور وصل کا لمحہ الگ

روشنی دیپک کی سورج چاند کی اپنی جگہ

نور سے روشن ترے ماتھے کا یہ ٹیکا الگ

عشق کے بیمار پر ساری دوائیں بے اثر

چارہ گر اس کی دوا کا ہے ذرا نسخہ الگ

چلتے چلتے آپ نے دیکھا تھا ہم کو بس یوں ہی

شہر میں اس دن سے اپنا ہو گیا رتبہ الگ

chand ki apni kahani rat ka qissa alag

dastan-e-ishq mein hai tajriba sab ka alag

ajnabi ham aj se hain par safar to hai wahi

sirf kah dene se hota hai kahin rasta alag

ek lamha bas wahi hai aur baqi kuchh nahin

zindagi sari alag aur wasl ka lamha alag

raushni dipak ki suraj chand ki apni jagah

nur se raushan tire mathe ka ye teka alag

ishq ke bimar par sari dawaen be asar

chara gar us ki dawa ka hai zara nuskha alag

chalte chalte ap ne dekha tha ham ko bas yun hi

shahr mein us din se apna ho gaya rutba alag