مثال موجۂ خوشبو بکھر گئے مرے دن

مثال موجۂ خوشبو بکھر گئے مرے دن

گزر گئیں مری راتیں گزر گئے مرے دن

دعائے نیم شبی بے اثر گئی میری

تمہارے ہوتے ہوئے بے ثمر گئے مرے دن

جواب ارض و سما سے نہ بن پڑا کوئی

میں ان سے پوچھ رہا تھا کدھر گئے مرے دن

بس ایک بار محبت سے دل ہوا خالی

پھر اس کے بعد اداسی سے بھر گئے مرے دن

میں مبتلائے غم رفتگاں ہوا ایسا

مجھے خبر نہ ہوئے اور مر گئے مرے دن

یہی ملال مجھے صبح و شام لاحق ہے

مرے ثبات سے کیسے مکر گئے مرے دن

وفور ہجر حدوں سے گزر گیا تھا نعیمؔ

مجھی پہ دیکھیے الزام دھر گئے مرے دن

misal-e-mauja-e-khushbu bikhar gae mire din

guzar gain miri raten guzar gae mire din

dua-e-nim shabi be asar gai meri

tumhare hote hue be samar gae mire din

jawab-e-arz-o-sama se na ban para koi

main un se puchh raha tha kidhar gae mire din

bas ek bar-e-mohabbat se dil hua khali

phir is ke baad udasi se bhar gae mire din

main mubtala-e-gham-e-raftagan hua aisa

mujhe khabar na hue aur mar gae mire din

yahi malal mujhe subh-o-sham-e-lahaq hai

mire sabat se kaise makar gae mire din

wafur-e-hijr hadon se guzar gaya tha naim

mujhi pe dekhiye ilzam dhar gae mire din