کہیں پہ رکتے ہوئے اور کہیں گزرتے ہوئے

کہیں پہ رکتے ہوئے اور کہیں گزرتے ہوئے

خجل تو خوب ہوئے ناظریں گزرتے ہوئے

میں اک نگاہ کی دوری پہ ایستادہ تھا

گزرنے والے نے دیکھا نہیں گزرتے ہوئے

تری ہوائیں کہ جانا تھا اور سمت انہیں

مرے نواح میں رک سی گئیں گزرتے ہوئے

میں سب سے پہلے جسے بھولنے میں جلدی کی

وہ یاد آیا دم آخریں گزرتے ہوئے

گزر نہ جائے بشارت کی ساعت اول

ذرا سی دیر رکیں زائریں گزرتے ہوئے

kahin pe rukte hue aur kahin guzarte hue

khajil to khub hue nazirin guzarte hue

main ik nigah ki duri pe istada tha

guzarne wale ne dekha nahin guzarte hue

tiri hawaen ke jana tha aur samt unhen

mire nawah mein ruk si gain guzarte hue

main sab se pahle jise bhulne mein jaldi ki

wo yad aya dam akhiren guzarte hue

guzar na jae basharat ki saat-e-awwal

zara si der ruken zairin guzarte hue