یوں سنگ انتظار سے کب تک بندھے رہیں

یوں سنگ انتظار سے کب تک بندھے رہیں

دیوار نارسائی ہی کیوں دیکھتے رہیں

گزرے نہ کوئی زود فراموش عمر بھر

اور بے سبب گلی کے دریچے کھلے رہیں

تم سے گلہ گزار ہے اپنی یہ بے گھری

کب تک تمہارے خواب سے باہر پڑے رہیں

حالت وہی ہے آج بھی ہم سنگ و خشت کی

رکھ دے کوئی جہاں پہ وہیں پر دھرے رہیں

یوں ہی کھڑے رہیں کسی منزل کی آس میں

گرد ملال ہجر سے رستے اٹے رہیں

پوچھے مرے مسیحا نفس سے کوئی نعیمؔ

طاق بدن میں زخم کہاں تک جلے رہیں

yun sang intizar se kab tak bandhe rahen

diwar narasai hi kyun dekhte rahen

guzre na koi zud faramosh umr bhar

aur be sabab gali ke dariche khule rahen

tum se gila guzar hai apni ye be ghiri

kab tak tumhare khwab se bahar pare rahen

halat wahi hai aj bhi ham sang-o-khisht ki

rakh de koi jahan pe wahin par dhare rahen

yun hi khare rahen kisi manzil ki as mein

gard-e-malal-e-hijr se raste ate rahen

puchhe mire masiha nafas se koi naim

taq-e-badan mein zakhm kahan tak jale rahen