حد سے بڑھتی ہوئی تعزیر میں دیکھا جائے

حد سے بڑھتی ہوئی تعزیر میں دیکھا جائے

خواب کو خواب کی تعبیر میں دیکھا جائے

دیکھنے کو میں فقط اتنا بچا ہوں یعنی

مجھ کو اک منظر تصویر میں دیکھا جائے

کھل بھی سکتا ہے جہاں پر مرا انداز جنوں

زخم جو حلقۂ زنجیر میں دیکھا جائے

صبر بھی جس کے نشانے پہ ہے اور سینہ بھی

حوصلہ کتنا ہے اس تیر میں دیکھا جائے

اس قدر دیدۂ گریاں کا تو حق بنتا ہے

اب اسے نالۂ شبگیر میں دیکھا جائے

تب کہیں درد اترتا ہے رگ و پے میں نعیمؔ

شعر جب میرؔ کی تاثیر میں دیکھا جائے

had se barhti hui taazir mein dekha jae

khwab ko khwab ki taabir mein dekha jae

dekhne ko main faqat itna bacha hun yaani

mujh ko ik manzar-e-taswir mein dekha jae

khul bhi sakta hai jahan par mira andaz-e-junun

zakhm jo halqa-e-zanjir mein dekha jae

sabr bhi jis ke nishane pe hai aur sina bhi

hausla kitna hai is tir mein dekha jae

is qadar dida-e-giryan ka to haq banta hai

ab use nala-e-shabgir mein dekha jae

tab kahin dard utarta hai rag-o-pe mein naim

sher jab mir ki tasir mein dekha jae