ایسے وہ داستان کھینچتا ہے

ایسے وہ داستان کھینچتا ہے

ہر یقیں پر گمان کھینچتا ہے

تیری فرقت کا ایک اک لمحہ

جسم سے میری جان کھینچتا ہے

جب بھی میں آسماں کو چھونے لگوں

پاؤں کو مہربان کھینچتا ہے

منزل زیست کے کسی بھی طرف

اپنی جانب نشان کھینچتا ہے

میں حقیقت جہاں بھی لکھتا ہوں

وہ وہی داستان کھینچتا ہے

جب حقیقت بیاں کروں اس کی

میرے منہ سے زبان کھینچتا ہے

سر زمین وطن پہ اب وہ نبیلؔ

اپنا ہر سو مکان کھینچتا ہے

aise wo dastan khinchta hai

har yaqin par guman khinchta hai

teri furqat ka ek ik lamha

jism se meri jan khinchta hai

jab bhi main asman ko chhune lagun

paon ko mehrban khinchta hai

manzil-e-zist ke kisi bhi taraf

apni janib nishan khinchta hai

main haqiqat jahan bhi likhta hun

wo wahi dastan khinchta hai

jab haqiqat bayan karun us ki

mere munh se zaban khinchta hai

sar zamin-e-watan pe ab wo nabil

apna har su makan khinchta hai