کہیں جو عزم ذرا حوصلہ نکل آئے

کہیں جو عزم ذرا حوصلہ نکل آئے

فصیل غم سے نیا راستا نکل آئے

نہ پوچھ مجھ سے تو اس حسن دل ربا کی کشش

جدھر بھی دیکھے وہاں آئنہ نکل آئے

کسی نواح کی بھی بات ہو مگر اے دوست

میان بزم ترا تذکرہ نکل آئے

میں مانتا ہوں نہیں تجھ سا دوسرا کوئی

کوئی جو تیرے سوا دوسرا نکل آئے

سناں کی نوک پہ آ جائے گر مرا سر بھی

فلک سے اونچا مرا مرتبہ نکل آئے

میں اس خدائی میں زندہ ہوں اک زمانے سے

ہر اک گلی سے نیا اک خدا نکل آئے

نبیلؔ اس لیے میں عاشقی سے باز آیا

جسے بھی پیار کروں بے وفا نکل آئے

kahin jo azm-e-zara hausla nikal ae

fasil-e-gham se naya rasta nikal ae

na puchh mujh se to us husn-e-dil ruba ki kashish

jidhar bhi dekhe wahan aina nikal ae

kisi nawah ki bhi bat ho magar ai dost

miyan-e-bazm tira tazkira nikal ae

main manta hun nahin tujh sa dusra koi

koi jo tere siwa dusra nikal ae

sinan ki nok pe a jae gar mira sar bhi

falak se uncha mira martaba nikal ae

main is khudai mein zinda hun ik zamane se

har ik gali se naya ik khuda nikal ae

nabil is liye main ashiqi se baz aya

jise bhi pyar karun be wafa nikal ae