ہر قدم پاؤں میں ہیں انگارے

ہر قدم پاؤں میں ہیں انگارے

تیری رائے ہے کیا خدا بارے

دونوں کس بے بسی میں ملتے ہیں

آہوئے جاں غزال تاتارے

پاؤں ٹکتا نہیں زمیں پہ کہیں

سر پہ کیا گھومتے ہیں سیارے

آنکھ کی راہ سے نکل آئے

چاند راتوں کے سرد مہ پارے

یہ نہ سمجھو گنہ گار نہیں

کوئی پتھر اگر اٹھا مارے

har qadam paon mein hain angare

teri rae hai kya khuda bare

donon kis be basi mein milte hain

ahu-e-jan ghazal-e-tatare

paon tikta nahin zamin pe kahin

sar pe kya ghumte hain sayyare

ankh ki rah se nikal ae

chand raton ke sard mah pare

ye na samjho gunah gar nahin

koi patthar agar utha mare