تجھ بت کا ہوں میں برہمن کرتار کی سوگند ہے

تجھ بت کا ہوں میں برہمن کرتار کی سوگند ہے

جپتا ہوں مالا یار کی زنار کی سوگند ہے

بانکا حسن سن کر ترا خوباں نے کھایا پیچ و تاب

اے نک‌ پلک تجھ چہرۂ بل دار کی سوگند ہے

خوباں کی خوبی ہے خزاں تیری بہار آنگے سدا

عاشق کوں اے گلفام تجھ رخسار کی سوگند ہے

رکھتا ہوں تجھ سوں چشم یہ دل اے مہ نور نظر

آ کے خبر اک روز مجھ بیمار کی سوگند ہے

دریائے وحدت میں ترے اے گوہر یکتائے حسن

پایا نہیں ثانی ترا سنسار کی سوگند ہے

بن ہار آئے گل رخاں تیرے گلے پڑنے کتیں

جیتا تو بارے حسن کے مضمار کی سوگند ہے

شرمندگی سوں جا چھپایا قوت اپنی کان میں

سن کر در افسانی تری گفتار کی سوگند ہے

شمشیر ابرو باندھ کر آیا سپاہی نین کا

دو ٹوک دل ہیں عاشقاں تلوار کی سوگند ہے

صحن چمن میں گلبدن تن زیب کیں تجھ جامہ کوں

نین سکھ ہے تیرا دیکھنا دیدار کی سوگند ہے

تجھ ہجر میں دل کی فغاں سوں آنکھ نئیں لگتی کبھی

کمخواب ہے مخمل مرا شب تار کی سوگند ہے

عشاق کوں رخصت کیا دے پاں خرد کا یار نے

روتا ہے نس دن مبتلاؔ گھر بار کی سوگند ہے

tujh but ka hun main barahman kartar ki saugand hai

japta hun mala yar ki zunnar ki saugand hai

banka husn sun kar tira khuban ne khaya pech-o-tab

ai nak palak tujh chehra-e-bal dar ki saugand hai

khuban ki khubi hai khizan teri bahar ange sada

ashiq kun ai gulfam tujh rukhsar ki saugand hai

rakhta hun tujh sun chashm ye dil ai mah-e-nur-e-nazar

a ke khabar ik roz mujh bimar ki saugand hai

dariya-e-wahdat mein tire ai gauhar-e-yakta-e-husn

paya nahin sani tira sansar ki saugand hai

ban har ae gul rukhan tere gale parne kiten

jita to bare husn ke mizmar ki saugand hai

sharmindagi sun ja chhupaya quwwat apni kan mein

sun kar dar afsani tiri guftar ki saugand hai

shamshir-e-abru bandh kar aya sipahi nain ka

do tok dil hain ashiqan talwar ki saugand hai

sehn-e-chaman mein gulbadan tan zeb-e-kin tujh jama kun

nain sukh hai tera dekhna didar ki saugand hai

tujh hijr mein dil ki fughan sun ankh nain lagti kabhi

kamkhwab hai makhmal mira shab tar ki saugand hai

ushshaq kun rukhsat kiya de pan khirad ka yar ne

rota hai nas din mubtala ghar bar ki saugand hai