کسی کو خار کسی سانس کو ببول کیا

کسی کو خار کسی سانس کو ببول کیا

جو ہم نے کار محبت کیا فضول کیا

ہمیشہ خاک اڑائی ہے راستوں نے مری

اس انتظار کی شدت نے مجھ کو دھول کیا

سجا کے رکھ دیا کانٹا بھی میرے پہلو میں

کسی بہار نے مجھ کو کبھی جو پھول کیا

رہ حیات میں آسائشوں کو ٹھکرا کر

تمہارے درد کو میں نے سدا قبول کیا

ہمیشہ پھولوں کو بدلا ہے خار و خس میں نبیلؔ

کسی بھی خار کو لیکن کبھی نہ پھول کیا

kisi ko khar kisi sans ko babul kiya

jo ham ne kar-e-mohabbat kiya fuzul kiya

hamesha khak urai hai raston ne miri

is intizar ki shiddat ne mujh ko dhul kiya

saja ke rakh diya kanta bhi mere pahlu mein

kisi bahar ne mujh ko kabhi jo phul kiya

rah-e-hayat mein asaishon ko thukra kar

tumhare dard ko main ne sada qubul kiya

hamesha phulon ko badla hai khar-o-khas mein nabil

kisi bhi khar ko lekin kabhi na phul kiya