چور تھے لوگ جو سنگینیٔ ہجرت سے یہاں

چور تھے لوگ جو سنگینیٔ ہجرت سے یہاں

سانس بھی آتا نہیں ان کو سہولت سے یہاں

وہ کسی پھول کسی غنچے کے حق دار نہیں

دشت گلزار بناتے ہیں جو محنت سے یہاں

چوغا پہنایا گیا جھوٹ کا سچائی کو

اور معانی لیے نفرت کے محبت سے یہاں

ہم نے بنیاد رکھی زہر بجھے سجدوں کی

تیغ کا کام لیا ہم نے عبادت سے یہاں

ہاتھ حالات نے ڈالے ہیں گریبانوں میں

زندگی کیسے گزارے کوئی عزت سے یہاں

پیٹ پہ باندھا گیا صبر کا بھاری پتھر

اور گزارا گیا ہر لمحہ مشقت سے یہاں

صاحب منبر و محراب بھی کیا بھوکا ہے

پیٹ کی آگ بجھاتا ہے شریعت سے یہاں

سانس چبھتا رہا کانٹے کی طرح دل میں نبیلؔ

جسم ڈھلتے رہے چھالوں میں اذیت سے یہاں

chur the log jo sangini-e-hijrat se yahan

sans bhi ata nahin un ko suhulat se yahan

wo kisi phul kisi ghunche ke haq dar nahin

dasht-e-gulzar banate hain jo mehnat se yahan

chogha pahnaya gaya jhut ka sachchai ko

aur maani liye nafrat ke mohabbat se yahan

ham ne buniyad rakhi zahr bujhe sajdon ki

tegh ka kam liya ham ne ibadat se yahan

hath halat ne dale hain garebanon mein

zindagi kaise guzare koi izzat se yahan

pet pe bandha gaya sabr ka bhari patthar

aur guzara gaya har lamha mashaqqat se yahan

sahab-e-mimbar-o-mehrab bhi kya bhuka hai

pet ki ag bujhata hai shariat se yahan

sans chubhta raha kante ki tarah dil mein nabil

jism dhalte rahe chhalon mein aziyyat se yahan