بجھتی مشعل کی التجا جیسے

بجھتی مشعل کی التجا جیسے

لوگ ہم کو ملے ہوا جیسے

کوئی انساں نظر نہیں آتا

ہر بشر ہو گیا خدا جیسے

ہاتھ کشکول کی طرح پائے

لب ملے ہم کو التجا جیسے

کر دیا ہے خدا واحد نے

بند ہم پر در دعا جیسے

گرد آلود ایسے سوچیں ہیں

کوئی احساس ہو خفا جیسے

اکثر اوقات ایسے کام کیے

ہم نے ماؤں کی بد دعا جیسے

ایسے لگتا ہے ان سے اپنا نبیلؔ

ٹوٹ جائے گا رابطہ جیسے

bujhti mashal ki iltija jaise

log ham ko mile hua jaise

koi insan nazar nahin ata

har bashar ho gaya khuda jaise

hath kashkol ki tarah pae

lab mile ham ko iltija jaise

kar diya hai khuda wahid ne

band ham par dar-e-dua jaise

gard alud aise sochen hain

koi ehsas ho khafa jaise

aksar auqat aise kam kiye

ham ne maon ki bad dua jaise

aise lagta hai un se apna nabil

tut jaega rabta jaise