اے جواناں نو بہاراں میں قدح نوشی کرو

اے جواناں نو بہاراں میں قدح نوشی کرو

گل بدن ساقی سیتی ہر شب ہم آغوشی کرو

دوستی کی رہ میں دل کوں سرد کرنا خوب نئیں

دم بدم خورشید رویاں سیں گرم جوشی کرو

مدعا گر ہے ظہور قرب اپنا خلق پر

انجمن میں برملا خوباں سے سرگوشی کرو

مہ رخاں کے دیکھنے کا ہے اگر دل موں تلاش

آسماں ساں اختیار خانہ‌ بردوشی کرو

اہل معنی میں اگر داخل ہونے کا شوق ہے

حرف بے معنی ستی ہر وقت خاموشی کرو

ai jawanan nau baharan mein qadah noshi karo

gul badan saqi saiti har shab ham aghoshi karo

dosti ki rah mein dil kun sard karna khub nain

dam badam khurshid rawiyan sin garm joshi karo

muddaa gar hai zuhur-e-qurb apna khalq par

anjuman mein barmala khuban se sargoshi karo

mah rukhan ke dekhne ka hai agar dil mon talash

asman san ikhtiyar khana bardoshi karo

ahl-e-maani mein agar dakhil hone ka shauq hai

harf-e-be maani sati har waqt-e-khamoshi karo