اک یہی اب مرا حوالہ ہے

اک یہی اب مرا حوالہ ہے

روح زخمی ہے جسم چھالا ہے

سیکڑوں بار سوچ کر میں نے

تیرے سانچے میں خود کو ڈھالا ہے

کھنچنے والا ہے آسماں سر سے

حادثہ یہ بھی ہونے والا ہے

اک خدا ترس موج نے مجھ کو

ساحلوں کی طرف اچھالا ہے

غالب آئی ہوس محبت پر

آرزوؤں کا رنگ کالا ہے

اک طرف جام عافیت کے ہیں

اک طرف زہر کا ہی پیالہ ہے

کار دنیا کی آرزو نے نبیلؔ

مجھ کو سو الجھنوں میں ڈالا ہے

ik yahi ab mira hawala hai

ruh zakhmi hai jism chhala hai

saikron bar soch kar main ne

tere sanche mein khud ko dhala hai

khinchne wala hai asman sar se

hadisa ye bhi hone wala hai

ik khuda taras mauj ne mujh ko

sahilon ki taraf uchhala hai

ghalib ai hawas mohabbat par

arzuon ka rang kala hai

ik taraf jam afiyat ke hain

ik taraf zahr ka hi pyala hai

kar duniya ki arzu ne nabil

mujh ko so uljhanon mein dala hai