فلک بنایا گیا ہے زمیں بنائی گئی

فلک بنایا گیا ہے زمیں بنائی گئی

اماں کی کوئی جگہ ہی نہیں بنائی گئی

نکلتی کس طرح کوئی یقین کی صورت

یقین کی کوئی صورت نہیں بنائی گئی

چلیں گے ہم بھی محبت نگر سمجھ کے اسے

گر ایسی کوئی بھی بستی کہیں بنائی گئی

بجھے بجھے ہوئے منظر وہ جس مقام کے تھے

ہمارے رہنے کی صورت وہیں بنائی گئی

جب اس کو غور سے دیکھا تو آنکھ بھر آئی

سمجھ رہا تھا میں دنیا حسیں بنائی گئی

کسک سجائی گئی اس میں پہلے سجدوں کی

پھر اس کے بعد ہماری جبیں بنائی گئی

نبیلؔ اتارا گیا مجھ کو آسمان سے یوں

فسردہ خاک مری ہم نشیں بنائی گئی

falak banaya gaya hai zamin banai gai

aman ki koi jagah hi nahin banai gai

nikalti kis tarah koi yaqin ki surat

yaqin ki koi surat nahin banai gai

chalenge ham bhi mohabbat nagar samajh ke use

gar aisi koi bhi basti kahin banai gai

bujhe bujhe hue manzar wo jis maqam ke the

hamare rahne ki surat wahin banai gai

jab us ko ghaur se dekha to ankh bhar ai

samajh raha tha main duniya hasin banai gai

kasak sajai gai is mein pahle sajdon ki

phir is ke baad hamari jabin banai gai

nabil utara gaya mujh ko asman se yun

fasurda khak miri ham nashin banai gai