بلا کی دھوپ میں ایسے بھی جسم جلتا رہا

بلا کی دھوپ میں ایسے بھی جسم جلتا رہا

بدن کا سایہ جو اپنے سروں سے ڈھلتا رہا

ڈھلی نہ شام الم جب تلک سحر نہ ہوئی

بجھے چراغ کی لو سے دھواں نکلتا رہا

ملی نہ منزل مقصود اس لیے بھی مجھے

میں ہر قدم پہ نیا راستہ بدلتا رہا

جہاں بھی آنکھ چرائی سفر میں سورج نے

کوئی ستارہ مرے ساتھ ساتھ چلتا رہا

بس ایک عمر گنوا کر قبولیت کی نبیلؔ

تمام عمر میں ہاتھوں کو اپنے ملتا رہا

bala ki dhup mein aise bhi jism jalta raha

badan ka saya jo apne saron se dhalta raha

dhali na sham-e-alam jab talak sahar na hui

bujhe charagh ki lau se dhuan nikalta raha

mili na manzil-e-maqsud is liye bhi mujhe

main har qadam pe naya rasta badalta raha

jahan bhi ankh churai safar mein suraj ne

koi sitara mire sath sath chalta raha

bas ek umr ganwa kar qubuliyat ki nabil

tamam umr mein hathon ko apne milta raha