منصور وار محو تماشا نہیں ہوں میں

منصور وار محو تماشا نہیں ہوں میں

سب کچھ سہی خراب تمنا نہیں ہوں میں

پنہاں تجلیاں ہیں اسی مشت خاک میں

ہر چند کچھ نہیں ہوں مگر کیا نہیں ہوں میں

سوچو تو سارے کھیل تماشے مجھی سے ہیں

سمجھو تو کوئی کھیل تماشا نہیں ہوں میں

ہے درد عشق یار مجھے جان سے عزیز

سودائیٔ علاج مسیحا نہیں ہوں میں

کرتا ہوں آزمائش فریاد اے فلک

یا تو نہیں ہے آج کی شب یا نہیں ہوں میں

حاصل تری نگاہ سے ہے کیف بے خودی

حرف تلاش ساغر و مینا نہیں ہوں میں

ذوق سخن ہے اس لئے لکھی گئی غزل

اعجازؔ ورنہ غالبؔ و سوداؔ نہیں ہوں میں

mansur war mahw-e-tamasha nahin hun main

sab kuchh sahi kharab-e-tamanna nahin hun main

pinhan tajalliyan hain isi musht-e-khak mein

har chand kuchh nahin hun magar kya nahin hun main

socho to sare khel tamashe mujhi se hain

samjho to koi khel tamasha nahin hun main

hai dard-e-ishq-e-yar mujhe jan se aziz

saudai-e-ilaj-e-masiha nahin hun main

karta hun azmaish-e-fariyad ai falak

ya to nahin hai aj ki shab ya nahin hun main

hasil tiri nigah se hai kaif-e-be khudi

harf-e-talash-e-saghar-o-mina nahin hun main

zauq-e-sukhan hai is liye likhi gai ghazal

ejaz warna ghalib-o-sauda nahin hun main