کسی سے کر کے شاید آج وہ تکرار بیٹھے ہیں

کسی سے کر کے شاید آج وہ تکرار بیٹھے ہیں

جو منہ پھیرے ہوئے وہ جانب دیوار بیٹھے ہیں

ادھر وہ ہیں کہ جو تولے ہوئے تلوار بیٹھے ہیں

ادھر ہم ہیں کہ اپنی زیست سے بیزار بیٹھے ہیں

ارے وائے زمانہ تفرقہ انداز ہے کیا کیا

ادھر دو چار بیٹھے ہیں ادھر دو چار بیٹھے ہیں

بگڑتا ہے بگڑ جائے سدھرتا ہے سدھر جائے

تری چوکھٹ پہ دیوانے مقدر ہار بیٹھے ہیں

زباں سے کچھ نہیں کہتے مگر سب کچھ سمجھتے ہیں

انہیں دیوانہ مت سمجھو یہ سب ہشیار بیٹھے ہیں

خدا کا شکر ہے اعجازؔ پوری ہو گئی منزل

ہزاروں بار اٹھے ہیں ہزاروں بار بیٹھے ہیں

kisi se kar ke shayad aj wo takrar baithe hain

jo munh phere hue wo janib-e-diwar baithe hain

idhar wo hain ke jo tole hue talwar baithe hain

idhar ham hain ke apni zist se bezar baithe hain

are wae zamana tafriqa andaz hai kya kya

idhar do char baithe hain idhar do char baithe hain

bigarta hai bigar jae sudharta hai sudhar jae

tiri chaukhat pe diwane muqaddar har baithe hain

zaban se kuchh nahin kahte magar sab kuchh samajhte hain

unhen diwana mat samjho ye sab hushyar baithe hain

khuda ka shukr hai ejaz puri ho gai manzil

hazaron bar uthe hain hazaron bar baithe hain