پیو پلاؤ علی الرغم دور جام چلے

پیو پلاؤ علی الرغم دور جام چلے

یہ میکدہ ہے یہاں کس کی روک تھام چلے

وہاں رہو کہ جہاں ہوش ہی نہیں آئے

وہاں چلو کہ جہاں بے خودی سے کام چلے

نگاہ ملتے ہی رخ پر نقاب ڈال لیا

وہ صبح کو بھی تو میری بنا کے شام چلے

شب فراق وہ اشکوں نے روشنی بخشی

اندھیری رات میں تاروں سے جیسے کام چلے

فضائیں مست ہوئیں لی جو اس نے انگڑائی

پڑا جو آنکھوں کا پرتو ذرا تو جام چلے

piyo pilao ali alrraghm daur-e-jam chale

ye maikada hai yahan kis ki rok tham chale

wahan raho ke jahan hosh hi nahin ae

wahan chalo ke jahan be khudi se kam chale

nigah milte hi rukh par naqab dal liya

wo subh ko bhi to meri bana ke sham chale

shab-e-firaq wo ashkon ne raushni bakhshi

andheri rat mein taron se jaise kam chale

fazaen mast huin li jo us ne angrai

para jo ankhon ka partau zara to jam chale