اس کے حریم ناز میں تیرا گزر کہاں

اس کے حریم ناز میں تیرا گزر کہاں

اے دل یہ سچ بتا کہ رہا رات بھر کہاں

منزل سے دور گم شدۂ کارواں ہوں میں

آئیں مری مدد کے لئے ہیں خضر کہاں

عزلت نشین خلوت و مست خیال بن

پھرتا رہے گا خاک بنا در بدر کہاں

مجبور عشق ہوں کہ اٹھاتا ہوں اپنے ہاتھ

گو جانتا ہوں میں کہ دعا میں اثر کہاں

اک داستان شوق مرے دل میں ہے ابھی

باتیں ہوئی ہیں یار سے جی کھول کر کہاں

وہ میرے گھر پہ آئیں نہ آئیں بلا ہی لیں

اعجازؔ میرا ایسا مقدر مگر کہاں

us ke harim-e-naz mein tera guzar kahan

ai dil ye sach bata ke raha rat bhar kahan

manzil se dur gum shuda-e-karwan hun main

aen miri madad ke liye hain khizar kahan

uzlat nashin-e-khalwat-o-mast-e-khayal ban

phirta rahega khak bana dar badar kahan

majbur-e-ishq hun ke uthata hun apne hath

go janta hun main ke dua mein asar kahan

ik dastan-e-shauq mire dil mein hai abhi

baten hui hain yar se ji khol kar kahan

wo mere ghar pe aen na aen bala hi len

ejaz mera aisa muqaddar magar kahan