تم نے کیوں ہنس کے مجھے ایک نظر دیکھ لیا

تم نے کیوں ہنس کے مجھے ایک نظر دیکھ لیا

آج کیا آ گئی جی میں جو ادھر دیکھ لیا

ہم کس امید پہ آئندہ کوئی آہ کریں

ہم نے کس آہ کو ممنون اثر دیکھ لیا

کروٹیں لیتے ہوئے تم بھی تصور میں ملے

تم کو بھی زینت آغوش نظر دیکھ لیا

تیرے بیمار کو کیوں دیکھنے آئے تھے طبیب

پیار کی آنکھ سے تو نے نہ ادھر دیکھ لیا

کیوں خفا ہوتے ہو کیوں پڑ گئی ماتھے پہ شکن

کیا ہوا چشم محبت سے اگر دیکھ لیا

گرتی پڑتی لب قیصرؔ سے دعا نکلی ہے

یہ ہی آثار اثر ہیں تو اثر دیکھ لیا

tum ne kyun hans ke mujhe ek nazar dekh liya

aj kya a gai ji mein jo idhar dekh liya

ham kis ummid pe ainda koi ah karen

ham ne kis ah ko mamnun asar dekh liya

karwaten lete hue tum bhi tasawwur mein mile

tum ko bhi zinat-e-aghosh-e-nazar dekh liya

tere bimar ko kyun dekhne ae the tabib

pyar ki ankh se tu ne na idhar dekh liya

kyun khafa hote ho kyun par gai mathe pe shikan

kya hua chashm-e-mohabbat se agar dekh liya

girti parti lab-e-qaisar se dua nikli hai

ye hi asar asar hain to asar dekh liya