علاوہ جلوۂ معنی کے کل جہاں دیکھا

علاوہ جلوۂ معنی کے کل جہاں دیکھا

جو چیز دیکھنے کی تھی اسے کہاں دیکھا

چھپائے رکھا ہمیشہ نگاہ گلچیں سے

نہ دیکھنے کی طرح سوئے آشیاں دیکھا

یہ یاد ہے کہ ملاقات تو ہوئی تھی کہیں

مگر یہ یاد نہیں ہے تمہیں کہاں دیکھا

قفس میں نیند بھی کیسے فریب دیتی ہے

کھلی جو آنکھ تو گلشن نہ آشیاں دیکھا

زمیں کے ظلم بھی برداشت ہم نے ہنس کے کئے

ترا بھی دبدبہ اے جور آسماں دیکھا

ہزاروں زخم تھے انسانیت کی میت پر

تمام دامن فطرت کو خونچکاں دیکھا

جو لوگ حفظ زباں کی زبان دیتے تھے

تو قیصرؔ ان کو ہی غارت گر زباں دیکھا

alawa jalwa-e-maani ke kal jahan dekha

jo chiz dekhne ki thi use kahan dekha

chhupae rakha hamesha nigah-e-gulchin se

na dekhne ki tarah su-e-ashiyan dekha

ye yad hai ke mulaqat to hui thi kahin

magar ye yad nahin hai tumhen kahan dekha

qafas mein nind bhi kaise fareb deti hai

khuli jo ankh to gulshan na ashiyan dekha

zamin ke zulm bhi bardasht ham ne hans ke kiye

tira bhi dabdaba ai jaur-e-asman dekha

hazaron zakhm the insaniyat ki mayyat par

tamam daman fitrat ko khunchakan dekha

jo log hifz zaban ki zaban dete the

tu qaisar un ko hi gharat gar-e-zaban dekha