بہت مشکل سہی لیکن بصد مشکل بھی دیکھیں گے

بہت مشکل سہی لیکن بصد مشکل بھی دیکھیں گے

کہ انوار حقیقت طالبان دل بھی دیکھیں گے

خدا توفیق دے ہم کو تو دل کو دل بھی دیکھیں گے

انہیں آنکھوں سے ہم آسان ہر مشکل بھی دیکھیں گے

نہ کامل ذوق نظارہ نہ شوق جادہ پیمائی

اگر کامل طلب ہے تو مذاق دل بھی دیکھیں گے

وہ کشتی آج جو ٹکرا رہی ہے موج طوفاں سے

اسی کشتی کو ہم اک دن سر ساحل بھی دیکھیں گے

در حیدر پہ قیصرؔ سر جھکا کسریٰ کا قیصر کا

گدائے کوئے حیدر حسن مستقبل بھی دیکھیں گے

bahut mushkil sahi lekin basad mushkil bhi dekhenge

ke anwar-e-haqiqat taliban-e-dil bhi dekhenge

khuda taufiq de ham ko to dil ko dil bhi dekhenge

unhen ankhon se ham asan har mushkil bhi dekhenge

na kamil zauq-e-nazzara na shauq-e-jada paimai

agar kamil talab hai to mazaq-e-dil bhi dekhenge

wo kashti aj jo takra rahi hai mauj-e-tufan se

isi kashti ko ham ik din sar-e-sahil bhi dekhenge

dar-e-haidar pe qaisar sar jhuka kisra ka qaisar ka

gadae ku-e-haidar husn mustaqbil bhi dekhenge