ہر طبیعت کو جہاں پیار بھری خو کہیے

ہر طبیعت کو جہاں پیار بھری خو کہیے

کون سے پھول کو اس باغ کی خوشبو کہیے

دور تک بھی کوئی صحرا ہے نہ گلشن نہ قیام

رہبر شوق کو آگاہ من و تو کہیے

ہم ابھی دل میں تجھے ڈھونڈنے سے قاصر ہیں

یہ الگ بات کہ جلوے ترے ہر سو کہیے

آج کی رات کسی بات کا شکوہ کیوں ہو

آپ کہیے کبھی تم کہیے کبھی تو کہیے

ایک محراب سی مسجد کی نظر آتی ہے

موج مے کہیے کہ انگڑائی کہ ابرو کہیے

استفادہ ہے یہ اشعار نہیں ہیں قیصرؔ

شانۂ میرؔ پہ بکھرے ہوئے گیسو کہیے

har tabiat ko jahan pyar bhari khu kahiye

kaun se phul ko is bagh ki khushbu kahiye

dur tak bhi koi sahra hai na gulshan na qayam

rahbar-e-shauq ko agah man-o-to kahiye

ham abhi dil mein tujhe dhundne se qasir hain

ye alag bat ke jalwe tire har su kahiye

aj ki rat kisi bat ka shikwa kyun ho

ap kahiye kabhi tum kahiye kabhi to kahiye

ek mehrab si masjid ki nazar ati hai

mauj-e-mai kahiye ke angrai ke abru kahiye

istifada hai ye ashar nahin hain qaisar

shana-e-mir pe bikhre hue gesu kahiye