جلوہ فروز دل میں ہے وہ گلعذار آج

جلوہ فروز دل میں ہے وہ گلعذار آج

اف رے خزاں رسیدہ چمن کی بہار آج

دونوں کو ہر طرف ہے ترا انتظار آج

دل کو قرار ہے نہ نظر کو قرار آج

دیکھیں تو چوم لیں دم آرائش آئینہ

ان کو بھی اپنی شکل پہ آ جائے پیار آج

لو انتہائے شوق نے دیوانہ کر دیا

میں ہنس رہا ہوں صبح سے بے اختیار آج

دل محو اضطراب تو لب صرف واہ وا

کتنے مزے کی ہے خلش انتظار آج

jalwa faroz dil mein hai wo gulizar aj

uf re khizan rasida chaman ki bahar aj

donon ko har taraf hai tira intizar aj

dil ko qarar hai na nazar ko qarar aj

dekhen to chum len dam-e-araish aina

un ko bhi apni shakl pe a jae pyar aj

lo intiha-e-shauq ne diwana kar diya

main hans raha hun subh se be ikhtiyar aj

dil mahw-e-iztirab to lab sirf wah wa

kitne maze ki hai khalish-e-intizar aj