Arooz is now on the App Store, for iPhone and iPad. Download →

All poetry

عمر تھوڑی ہے اور کام بہت

Qaisar Haideri Dehlvi (1928–1992)

عمر تھوڑی ہے اور کام بہت

زندگی بھی ہے تیز گام بہت

آ تو پہنچے ہیں اپنی منزل پر

ہاں مگر ہو گئی ہے شام بہت

طائر دل کی سب نظر میں ہے

یوں تو پھیلے ہوئے ہیں دام بہت

عمر بھر کیف کم نہیں ہوتا

پینے والے کو ایک جام بہت

پینے والوں کا ظرف ہے درکار

شیشہ ساقی صراحی جام بہت

دور جمہور میں بھی اے قیصرؔ

لوگ کرتے ہیں کیوں سلام بہت