ہم سے جب اپنوں نے جھگڑا کر لیا

ہم سے جب اپنوں نے جھگڑا کر لیا

تھک کے تنہائی سے سایہ کر لیا

سر پٹکتی رہ گئیں خودداریاں

اس نے جب ہاتھوں کو کاسہ کر لیا

درد کی آواز تک آتی نہیں

زخم ہم نے اتنا گہرا کر لیا

مفلسی کی کوکھ سے پیدا ہوئے

اس لئے تو ہنس کے فاقہ کر لیا

وقت کے پاؤں میں سر رکھ کر عبیدؔ

ہم نے اس دنیا سے پردہ کر لیا

ham se jab apnon ne jhagra kar liya

thak ke tanhai se saya kar liya

sar patakti rah gain khuddariyan

us ne jab hathon ko kasa kar liya

dard ki awaz tak ati nahin

zakhm ham ne itna gahra kar liya

muflisi ki kokh se paida hue

is liye to hans ke faqa kar liya

waqt ke paon mein sar rakh kar ubaid

ham ne is duniya se parda kar liya