لوگ دریاؤں کی جھیلوں کی طرف دیکھتے ہیں

لوگ دریاؤں کی جھیلوں کی طرف دیکھتے ہیں

ہم مگر آپ کی آنکھوں کی طرف دیکھتے ہیں

اپنے حصے میں سلیقے کا کوئی غم ہی نہیں

اس لیے عشق کی راہوں کی طرف دیکھتے ہیں

آنکھ سے اشک نکلتے ہیں معافی بن کر

جب بھی ہم اپنے گناہوں کی طرف دیکھتے ہیں

شعر لکھا نہیں جاتا ہے عطا ہوتا ہے

بے سبب لوگ خیالوں کی طرف دیکھتے ہیں

نیند آتی ہے تو سو جاتے ہیں یک دم سے عبیدؔ

آنکھ کھلتی ہے تو خوابوں کی طرف دیکھتے ہیں

log dariyaon ki jhilon ki taraf dekhte hain

ham magar ap ki ankhon ki taraf dekhte hain

apne hisse mein saliqe ka koi gham hi nahin

is liye ishq ki rahon ki taraf dekhte hain

ankh se ashk nikalte hain muafi ban kar

jab bhi ham apne gunahon ki taraf dekhte hain

sher likha nahin jata hai ata hota hai

be sabab log khayalon ki taraf dekhte hain

nind ati hai to so jate hain yak dam se ubaid

ankh khulti hai to khwabon ki taraf dekhte hain