نظر آتے ہیں وہ ہم کو خفا سے

نظر آتے ہیں وہ ہم کو خفا سے

مرض اچھا نہ ہوگا یہ دوا سے

جواب اب دیتے ہیں دادا کو پوتے

دئے ڈرتے نہیں ہیں اب ہوا سے

بھلا بیٹھا ہے سب اچھائی میری

غلط الفاظ کیا نکلے ذرا سے

میں اس کو دھوکا دینا چاہتا ہوں

مرا دل بھر گیا ہے اب وفا سے

مجھے جینے کی اب حسرت نہیں ہے

مجھے آزاد کر دو اس سزا سے

کوئی جاتا نہیں مسجد کی جانب

خدا روٹھا ہے یا بندے خدا سے

nazar ate hain wo ham ko khafa se

maraz achchha na hoga ye dawa se

jawab ab dete hain dada ko paute

diye darte nahin hain ab hawa se

bhula baitha hai sab achchhai meri

ghalat alfaz kya nikle zara se

main us ko dhoka dena chahta hun

mira dil bhar gaya hai ab wafa se

mujhe jine ki ab hasrat nahin hai

mujhe azad kar do is saza se

koi jata nahin masjid ki janib

khuda rutha hai ya bande khuda se