Arooz is now on the App Store, for iPhone and iPad. Download →

All poetry

جنبش لب اور ہے سوز نہانی اور ہے

Ubaid Najibabadi (b. 1998)

جنبش لب اور ہے سوز نہانی اور ہے

اس سے جو کہنی تھی مجھ کو وہ کہانی اور ہے

زندگی کا بوجھ ڈھوتے جا رہے ہیں مستقل

اور اوپر سے یہ رنج رائگانی اور ہے

اس شجر پہ پھل کو آئے اک زمانہ ہو گیا

ڈال دو چٹکی سے گر تھوڑا سا پانی اور ہے

زندگی کی موج میں ہم بھول بیٹھے ہیں سبھی

زندگی کے بعد بھی اک زندگانی اور ہے

کس قدر حالات میرے کشمکش میں ہیں عبیدؔ

دل کی دھڑکن اور ہے خوں کی روانی اور ہے