دشمنوں سے نہ سگے بھائی سے گھبراتے ہیں

دشمنوں سے نہ سگے بھائی سے گھبراتے ہیں

جو برے لوگ ہیں سچائی سے گھبراتے ہیں

ہم کو عزت ملے اپنوں کو برا لگتا ہے

اس لئے حوصلہ افزائی سے گھبراتے ہیں

دن نکلتے ہی تری یاد چلی آتی ہے

شام ہوتی ہے تو تنہائی سے گھبراتے ہیں

عشق تو کر لیں مگر اس میں ہے نقصان بہت

ہم وہ بنئے ہیں جو بھرپائی سے گھبراتے ہیں

آئنہ سامنے رکھ کر نہ یہاں بات کرو

یہ وہ بچے ہیں جو پرچھائی سے گھبراتے ہیں

ہائے وہ لوگ جو ماں باپ کو کرتے ہیں ذلیل

اور اک ہم جو بڑے بھائی سے گھبراتے ہیں

لوگ طالب ہیں کہ شہرت کا علم اونچا ہو

اور ہم خود کی شناسائی سے گھبراتے ہیں

بات کرتے ہیں سمندر میں اتر جانے کی

وہ جو تالاب کی گہرائی سے گھبراتے ہیں

dushmanon se na sage bhai se ghabrate hain

jo bure log hain sachchai se ghabrate hain

ham ko izzat mile apnon ko bura lagta hai

is liye hausla afzai se ghabrate hain

din nikalte hi tiri yad chali ati hai

sham hoti hai to tanhai se ghabrate hain

ishq to kar len magar is mein hai nuqsan bahut

ham wo baniye hain jo bharpai se ghabrate hain

aina samne rakh kar na yahan bat karo

ye wo bachche hain jo parchhai se ghabrate hain

hae wo log jo man bap ko karte hain zalil

aur ik ham jo bare bhai se ghabrate hain

log talib hain ke shohrat ka alam uncha ho

aur ham khud ki shanasai se ghabrate hain

bat karte hain samundar mein utar jane ki

wo jo talab ki gahrai se ghabrate hain