نمک کی روز مالش کر رہے ہیں

نمک کی روز مالش کر رہے ہیں

ہمارے زخم ورزش کر رہے ہیں

سنو لوگوں کو یہ شک ہو گیا ہے

کہ ہم جینے کی سازش کر رہے ہیں

ہماری پیاس کو رانی بنا لیں

کئی دریا یہ کوشش کر رہے ہیں

مرے صحرا سے جو بادل اٹھے تھے

کسی دریا پہ بارش کر رہے ہیں

یہ سب پانی کی خالی بوتلیں ہیں

جنہیں ہم نذر آتش کر رہے ہیں

ابھی چمکے نہیں غالبؔ کے جوتے

ابھی نقاد پالش کر رہے ہیں

تری تصویر، پنکھا، میز، مفلر

مرے کمرے میں گردش کر رہے ہیں

namak ki roz malish kar rahe hain

hamare zakhm warzish kar rahe hain

suno logon ko ye shak ho gaya hai

ke ham jine ki sazish kar rahe hain

hamari pyas ko rani bana len

kai dariya ye koshish kar rahe hain

mire sahra se jo badal uthe the

kisi dariya pe barish kar rahe hain

ye sab pani ki khali botalen hain

jinhen ham nazr-e-atish kar rahe hain

abhi chamke nahin ghalib ke jote

abhi naqqad palish kar rahe hain

tiri taswir, pankha, mez, maflar

mire kamre mein gardish kar rahe hain