کوئی ملتا نہیں خدا کی طرح

کوئی ملتا نہیں خدا کی طرح

پھرتا رہتا ہوں میں دعا کی طرح

غم تعاقب میں ہیں سزا کی طرح

تو چھپا لے مجھے خطا کی طرح

ہے مریضوں میں تذکرہ میرا

آزمائی ہوئی دوا کی طرح

ہو رہیں ہیں شہادتیں مجھ میں

اور میں چپ ہوں کربلا کی طرح

جس کی خاطر چراغ بنتا ہوں

گھورتا ہے وہی ہوا کی طرح

وقت کے گنبدوں میں رہتا ہوں

ایک گونجی ہوئی صدا کی طرح

koi milta nahin khuda ki tarah

phirta rahta hun main dua ki tarah

gham taaqub mein hain saza ki tarah

tu chhupa le mujhe khata ki tarah

hai marizon mein tazkira mera

azmai hui dawa ki tarah

ho rahen hain shahadaten mujh mein

aur main chup hun karbala ki tarah

jis ki khatir charagh banta hun

ghorata hai wahi hawa ki tarah

waqt ke gumbadon mein rahta hun

ek gunji hui sada ki tarah