تیرے جیسا کوئی ملا ہی نہیں

تیرے جیسا کوئی ملا ہی نہیں

کیسے ملتا کہیں پہ تھا ہی نہیں

گھر کے ملبے سے گھر بنا ہی نہیں

زلزلے کا اثر گیا ہی نہیں

مجھ پہ ہو کر گزر گئی دنیا

میں تری راہ سے ہٹا ہی نہیں

کل سے مصروف خیریت میں ہوں

شعر تازہ کوئی ہوا ہی نہیں

رات بھی ہم نے ہی صدارت کی

بزم میں اور کوئی تھا ہی نہیں

یار تم کو کہاں کہاں ڈھونڈا

جاؤ تم سے میں بولتا ہی نہیں

یاد ہے جو اسی کو یاد کرو

ہجر کی دوسری دوا ہی نہیں

tere jaisa koi mila hi nahin

kaise milta kahin pe tha hi nahin

ghar ke malbe se ghar bana hi nahin

zalzale ka asar gaya hi nahin

mujh pe ho kar guzar gai duniya

main tiri rah se hata hi nahin

kal se masruf khairiyat mein hun

sher taza koi hua hi nahin

rat bhi ham ne hi sadarat ki

bazm mein aur koi tha hi nahin

yar tum ko kahan kahan dhunda

jao tum se main bolta hi nahin

yad hai jo usi ko yad karo

hijr ki dusri dawa hi nahin