ذرا محتاط ہونا چاہیے تھا

ذرا محتاط ہونا چاہیے تھا

بغیر اشکوں کے رونا چاہیے تھا

اب ان کو یاد کر کے رو رہے ہیں

بچھڑتے وقت رونا چاہیے تھا

مری وعدہ خلافی پر وہ چپ ہے

اسے ناراض ہونا چاہیے تھا

چلا آتا یقیناً خواب میں وہ

ہمیں کل رات سونا چاہیے تھا

سوئی دھاگہ محبت نے دیا تھا

تو کچھ سینہ پرونا چاہیے تھا

ہمارا حال تم بھی پوچھتے ہو

تمہیں معلوم ہونا چاہیے تھا

وفا مجبور تم کو کر رہی تھی

تو پھر مجبور ہونا چاہیے تھا

zara mohtat hona chahiye tha

baghair ashkon ke rona chahiye tha

ab un ko yad kar ke ro rahe hain

bichharte waqt rona chahiye tha

miri waada khilafi par wo chup hai

use naraz hona chahiye tha

chala ata yaqinan khwab mein wo

hamen kal rat sona chahiye tha

soi dhaga mohabbat ne diya tha

to kuchh sina pirona chahiye tha

hamara hal tum bhi puchhte ho

tumhen maalum hona chahiye tha

wafa majbur tum ko kar rahi thi

to phir majbur hona chahiye tha