پہلے احساس میں اتار اسے

پہلے احساس میں اتار اسے

پھر خیالات سے گزار اسے

کوئی اچھی سی جاب مل جاتی

ہم بھی کرواتے انتظار اسے

اپنی ناراضگی سے ڈرتا ہوں

کر تو سکتا ہوں بے قرار اسے

خود کو قیدی سمجھ رہا تھا وہ

میں نے ہونے دیا فرار اسے

سب پرانا ڈلیٹ کر دیں گے

پھر سے لکھیں گے ایک بار اسے

لوٹا دیتی ہے وقت سے پہلے

کوئی دیتا نہیں ادھار اسے

آج تک انگلیاں مہکتی ہیں

چھونا چاہا تھا ایک بار اسے

pahle ehsas mein utar use

phir khayalat se guzar use

koi achchhi si jab mil jati

ham bhi karwate intizar use

apni narazgi se darta hun

kar to sakta hun be qarar use

khud ko qaidi samajh raha tha wo

main ne hone diya farar use

sab purana dalet kar denge

phir se likhenge ek bar use

lauta deti hai waqt se pahle

koi deta nahin udhar use

aj tak ungliyan mahakti hain

chhuna chaha tha ek bar use