بہت دشوار ہے رستہ ہمارا

بہت دشوار ہے رستہ ہمارا

نہیں کر پاؤ گے پیچھا ہمارا

رلا دے گا اسے ہنسنا ہمارا

اسے معلوم ہے قصہ ہمارا

تسلی دے رہے ہیں چارہ گر کو

سمجھ لو حال ہے کیسا ہمارا

تمہاری کاپی نے خالی کرایا

کتابوں سے بھرا بستہ ہمارا

بچھڑنے والا مڑ کر دیکھ لیتا

تو ہم کو گھر تو مل جاتا ہمارا

خدا حافظ اگر تم کہہ کے جاتے

تو کچھ دن کام چل جاتا ہمارا

بٹن بس شرٹ میں اک ٹانک دیتے

تو سب غصہ اتر جاتا ہمارا

چلو ساجھے میں بزم دل سجائیں

سجاوٹ آپ کی خرچہ ہمارا

bahut dushwar hai rasta hamara

nahin kar paoge pichha hamara

rula dega use hansna hamara

use maalum hai qissa hamara

tasalli de rahe hain chara gar ko

samajh lo hal hai kaisa hamara

tumhari kapi ne khali karaya

kitabon se bhara basta hamara

bichharne wala mur kar dekh leta

to ham ko ghar to mil jata hamara

khuda hafiz agar tum kah ke jate

to kuchh din kam chal jata hamara

batan bas sharat mein ik tanik dete

to sab ghussa utar jata hamara

chalo sajhe mein bazm-e-dil sajaen

sajawat ap ki kharcha hamara