Arooz is now on the App Store, for iPhone and iPad. Download →

All poetry

خدا کو بھولنا آسان ہے

Fahmi Badayuni (b. 1952)

خدا کو بھولنا آسان ہے

ہمارا مسئلہ انسان ہے

بتا دو اپنے دل سے پوچھ کر

مرے جینے کا کیا امکان ہے

یہاں تو کرشن بھی ہیں کنس بھی

ہمارا عشق ہندستان ہے

ضرورت ہی نہیں ہے نام کی

تری خوشبو مری پہچان ہے

ادھر بھی پھینکیے خنجر کوئی

ہمارے جسم میں بھی جان ہے

ستاروں پر قناعت کیجیئے

ہماری چھت بہت ویران ہے