Arooz is now on the App Store, for iPhone and iPad. Download →

All poetry

وہ کہاں ہے کتاب کے اندر

Fahmi Badayuni (b. 1952)

وہ کہاں ہے کتاب کے اندر

جو لکھا تھا نصاب کے اندر

میں نے ڈھونڈا شراب کے اندر

اور نشہ تھا نقاب کے اندر

آج بھائی کا فون آ ہی گیا

کچھ کمی تھی حساب کے اندر

سارا افسانہ رنگ و بو کا تھا

کچھ نہ نکلا گلاب کے اندر

اپنے اپنے سوال ہوتے ہیں

اپنے اپنے جواب کے اندر

میری دیوانگی پہ اک بڑھیا

ہنس پڑی ماہتاب کے اندر

گھومنا چھوڑ دے زمین اگر

گر پڑے آفتاب کے اندر