سانپ بھی بین بھی مداری بھی

سانپ بھی بین بھی مداری بھی

ہائے کیا بات ہے تمہاری بھی

کیسے کرتے ہو یار مائک پر

شاعری بھی دکان داری بھی

ہم ولی تو نہیں خدا سے مگر

جان پہچان ہے ہماری بھی

صرف دل کا معاملہ ہی نہیں

عشق ہے ایک ذمہ داری بھی

ہار کر پھول تیری خوشبو سے

ڈھونڈ لیتے ہیں رشتے داری بھی

وہ جو پچھلی قطار میں خوش تھا

آ گئی آج اس کی باری بھی

ہم کبھی ایک ساتھ کرتے تھے

خاکساری بھی شہ سواری بھی

آپ خاموشیاں بھی سنتے ہیں

آہ سن لیجیے ہماری بھی

sanp bhi bain bhi madari bhi

hae kya bat hai tumhari bhi

kaise karte ho yar maik par

shayari bhi dukan dari bhi

ham wali to nahin khuda se magar

jan pahchan hai hamari bhi

sirf dil ka muamla hi nahin

ishq hai ek zimma dari bhi

har kar phul teri khushbu se

dhund lete hain rishte dari bhi

wo jo pichhli qatar mein khush tha

a gai aj us ki bari bhi

ham kabhi ek sath karte the

khaksari bhi shah sawari bhi

ap khamoshiyan bhi sunte hain

ah sun lijiye hamari bhi