رات اس کو رلا دیا میں نے

رات اس کو رلا دیا میں نے

سب غموں کا مزہ لیا میں نے

ذکر کر کے تری اداسی کا

سارے پھولوں کو چپ کیا میں نے

ایک دن شاعری بتا دے گی

خود کو تنہا نہیں جیا میں نے

ایسی ترتیب دی ستاروں کو

آپ کا نام لکھ دیا میں نے

قبر لائق زمین مل ہی گئی

عمر بھر کچھ نہیں کیا میں نے

وہ دوبارہ نظر نہیں آیا

جس کو تیرا پتہ دیا میں نے

ڈوب کر مر گیا سمندر میں

کھارا پانی نہیں پیا میں نے

rat us ko rula diya main ne

sab ghamon ka maza liya main ne

zikr kar ke tiri udasi ka

sare phulon ko chup kiya main ne

ek din shayari bata degi

khud ko tanha nahin jiya main ne

aisi tartib di sitaron ko

ap ka nam likh diya main ne

qabr laiq zamin mil hi gai

umr bhar kuchh nahin kiya main ne

wo dobara nazar nahin aya

jis ko tera pata diya main ne

dub kar mar gaya samundar mein

khara pani nahin piya main ne