ہم کو رستہ بتا کے لوٹ گئے

ہم کو رستہ بتا کے لوٹ گئے

ہم سفر مسکرا کے لوٹ گئے

وہ جو کہتے تھے گھر بنائیں گے

صرف نقشہ بنا کے لوٹ گئے

رات بھر آندھیاں چلیں گھر میں

تم تو پردے ہلا کے لوٹ گئے

نبض پر انگلیاں نہیں رکھیں

سب دوائیں بتا کے لوٹ گئے

جو خدا سے ملانے آئے تھے

وہ خدا سے ڈرا کے لوٹ گئے

ہونٹھ تو ہل رہے تھے رات ان کے

کیا پتہ کیا بتا کے لوٹ گئے

ham ko rasta bata ke laut gae

ham safar muskura ke laut gae

wo jo kahte the ghar banaenge

sirf naqsha bana ke laut gae

rat bhar andhiyan chalen ghar mein

tum to parde hila ke laut gae

nabz par ungliyan nahin rakhen

sab dawaen bata ke laut gae

jo khuda se milane ae the

wo khuda se dara ke laut gae

honth to hal rahe the rat un ke

kya pata kya bata ke laut gae