یہاں یوں ہی نہیں پہنچا ہوں میں

یہاں یوں ہی نہیں پہنچا ہوں میں

مسلسل رات دن دوڑا ہوں میں

تری زنجیر کا حصہ ہوں میں

رہا ہو بھی نہیں سکتا ہوں میں

تمہاری اوٹ میں جتنا ہوں میں

بس اتنا ہی نظر آتا ہوں میں

تمہارے سامنے بیٹھا ہوں میں

یہی تو سوچ کر زندہ ہوں میں

ڈراتا ہے خدا سے جب کوئی

خدا کے پیچھے چھپ جاتا ہوں میں

پریشاں دھوپ کرتی ہے مجھے

شکایت چاند سے کرتا ہوں میں

بہت کچھ کہنا پڑتا ہو جہاں

وہاں پر کچھ نہیں کہتا ہوں میں

منا لے گی اسے معلوم ہے

ابھی سچ مچ نہیں روٹھا ہوں میں

yahan yun hi nahin pahuncha hun main

musalsal rat din daura hun main

tiri zanjir ka hissa hun main

raha ho bhi nahin sakta hun main

tumhari ot mein jitna hun main

bas itna hi nazar ata hun main

tumhare samne baitha hun main

yahi to soch kar zinda hun main

darata hai khuda se jab koi

khuda ke pichhe chhup jata hun main

pareshan dhup karti hai mujhe

shikayat chand se karta hun main

bahut kuchh kahna parta ho jahan

wahan par kuchh nahin kahta hun main

mana legi use maalum hai

abhi sach much nahin rutha hun main